ماسك لتقوية الشعر:
المكونات :
- زيت جوز الهند (ترطيب)
- بياض بيضة (بروتين)
- عسل (تغذية)
الوقت :
نصف ساعة
الطريقة :
كميات تقديرية للزيت والعسل تضيفينه لبياض بيضة واحدة ، تخلطينهم مع بعض و توزعينهم على شعرك ، مع الوقت راح تحسين شعرك يبس فعشان كذا خلك كريمة في اضافة زيت جوز الهند
ممكن تستبديلن زيت جوز الهند بزيت الزيتون العادي ، او اي زيت تفضلينه ،، هو الحكمة منه ترطيب ..
النتيجة :
من استخدامي له مرة واحدة ، لاحظت تحسن خفيف في اطراف شعري المتقصفة ، مع اني اعرف ان تقصف الشعر ماله حل الا القص ، فقصيته واستخدمت هالماسك عشان احافظ عالباقي واحاول اني اتفادى تقصف الشعر والنهايات المزعجة.
طبعاً انا شعري مصبوغ ومالاحظت اي تغيير في لون الصبغة في استخدماتي للماسكات المذكورة .. اصلاً الصبغة تتغير وتخف مع الوقت ومع كثر الغسل والتعرض للشمس مباشرة او من ماء المسابح (الكلور) وأيضاً استخدام الشامبوهات التجاريه اللي فيها سولفات لانها تطير اللون ، فلازم تستخدمين شامبوهات خالية من السولفات وتكون مخصصة للشعر المصبوغ.